Kannappa : అందులో ఎలాంటి నిజం లేదు అవన్నీ పుకార్లే

kannappa
  • అందులో ఎలాంటి నిజం లేదు అవన్నీ పుకార్లే

తెలుగు చిత్ర పరిశ్రమలో ప్రతిష్ఠాత్మకంగా తెరకెక్కుతున్న ‘కన్నప్ప’ సినిమాను చుట్టూ జరుగుతున్న ప్రచారంపై చిత్ర బృందం స్పష్టత ఇచ్చింది. సినిమాకు సంబంధించి సోషల్ మీడియాలో వైరల్ అవుతున్న పుకార్లు నిరాధారమైనవని, అందులో ఎలాంటి నిజం లేదని వెల్లడించింది.

మార్చి 31న ‘కన్నప్ప’ ప్రీమియర్ షో నిర్వహించారని వస్తున్న వార్తలు అసత్యమని, అలాంటి ప్రచారాన్ని నమ్మొద్దని చిత్ర బృందం కోరింది. విజువల్ ఎఫెక్ట్స్ (VFX) పనులకు సంబంధించిన కొంత ఫుటేజ్‌ను మాత్రమే సమీక్షించామని, సినిమా ఫస్ట్ కాపీ సిద్ధం చేసే ప్రక్రియ ఇంకా కొనసాగుతోందని తెలియజేశారు. కావాలనే సినిమాపై తప్పుడు ప్రచారం జరుగుతోందని వారు ఆవేదన వ్యక్తం చేశారు.

‘కన్నప్ప’లో భారీ స్థాయిలో VFX పనులు ఉన్న కారణంగా ప్రతీ ఫ్రేమ్‌ను అత్యంత జాగ్రత్తగా రూపొందిస్తున్నామని, అందువల్ల ఎక్కువ సమయం తీసుకుంటున్నామని చిత్ర బృందం వివరించింది. అభిమానులు, మీడియా నిరాధారమైన వార్తలపై విశ్వసించకూడదని, త్వరలోనే అధికారిక వివరాలను వెల్లడిస్తామని స్పష్టం చేసింది. సినిమాపై ప్రేమను చూపిస్తున్న ప్రతి ఒక్కరికీ ధన్యవాదాలు తెలియజేశారు.

ఇటీవల మోహన్‌బాబు, మంచు విష్ణు కలిసి నడుచుకుంటూ వస్తున్న వీడియోలు సోషల్ మీడియాలో వైరల్ కావడంతో, ‘కన్నప్ప’ ప్రివ్యూ షో జరిగిందనే ఊహాగానాలు చెలరేగాయి. అయితే అవి పూర్తిగా అసత్యమని చిత్ర బృందం తేల్చిచెప్పింది. ఏప్రిల్ 25న విడుదల కావాల్సిన ఈ చిత్రం, VFX పనుల కారణంగా వాయిదా పడింది. త్వరలోనే కొత్త విడుదల తేదీని ప్రకటిస్తామని మంచు విష్ణు తెలిపారు.

Read : Kannappa : ‘క‌న్న‌ప్ప’ సినిమా విడుద‌ల వాయిదా… క్షమాపణ కోరుతూ మంచు విష్ణు పోస్ట్

Related posts

Leave a Comment